السلام عليكم ورحمه الله وبركاته
كيف حال الشباب والشابات ان شاء الله تكونون بالف صحة وعافية..
انا عارف بان موضوع الاختبار هم على كل شخص يبغى يمتحن وانا بالذات مرت علي ايام الله الوحيد اللي يعلم شنو صار فيني من ارق وقله نوم ونفسيتي تغيرت على أهلي وقرايبي صرت مو طايق نفسي خصوصا اني رسبت مرتين حتى اني فقدت الامل بالنجاح وحسب تجربتي عرفت ان المسألة مو مسألة خبره المسألة كلها توفيق وشوية حظ ومذاكرة بسيطه فقط.. وانا أبغا اقولكم على خطوات اكتشفتها أثناء اختباراتي السابقه مع العلم اني مجتهد وعلى قولتهم شاااطر ههههه لكني رسبت مرتين .. وصاحبي مهمل ولا عطا الاختبار اي اهتمام ومن غير مذاكرة نجح من اول مره ..وانا رسبت مرتين قلت في نفسي ان فيه سر
وانا راح اقولكم الخلاصة..
1- التوفيق من الله مطلب ضروري ويتم تحقيق هذا من خلال
-كثره الاستغفار والصلاة
- ودعاء الوالدين ضروري جدا للتوفيق
- مذاكرة او مراجعه بسيطه على النماذج الموجوده في المنتدى
2- صف ذهنك وعدم التوتر شي ضروري
3-تدعي وانت جالس على الكمبيوتر (اللهم لا سهل الاما جعلته سهلا وانك تجعل الحزن اذا شئت سهلا)
4-عدم ضغط زر (مارك) لان يااخوان الزر هذا يقلل من التقييم..لان الاختبار تقييم تدخلك السريع ومعرفتك للامراض
5- حاول ان تحل الاختبار بدون ان تطوف سؤال لان كل ماتطوف محسوبه عليك
6-حاول ان تحل الاسئلة وتخلص من الاختبار قبل ان ينتهي الوقت بنص ساعة
واخيرا المسألة كلها تقييمك بسرعه التدخل التمريضي .. هذا مالمحة لي موظف في الهيئه المسألة مو بكثر حل الاسئلة الموضوع تقييم عام والدليل عندما تستلم الشهادة تلقى فيها تقييمك من ناحية التقييم والتشخيص والخطه والتنفيذ يعني الوقت عامل ضروري في الموضوع
-والدليل لما سألت صاحبي شلون نجحت وانت ماذكرت قال خلصت من اول ساعه وانا مو عارف شي اللي عرفته 15 سؤال فقط والباقي مدري شلون سلكت والامتحان كلة مادريت عنه وسألته ضغطت زر مارك ..والصدمه قالي شنو زر مارك ههههههه يعني ماضغط الزر اصلا
وان شاء الله ان فدتكم واي استفسار انا حاضر
واتمنى التوفيق للجميع ان شاءالله
